Događaji
- Ned 01 Lis 19:15
Psići u ophodnji: Moćan film / sinkronizirano
- Information
- u Kino Vodice
- za 7 sati
- Ned 01 Lis 21:00
Kreator ⑫
- Information
- u Kino Vodice
- za 9 sati
Srdele su sinoć na vodiškoj rivi zaplivale baš kako triba i lipo se okupale u vinu "Ribarske noći". A vodiški gosti tako su već naučili, iz godine u godinu guštat u Ribarskoj noći. A svitu ka da baš toga triba i to refušo, izisti nešto morskoga onako na brzinu i popiti čašu domaćega vina. A onda ka se tome dodaju još pidoći, teško more kraj Ribarskoj noći doći.
Pa je riva sinoć opet "gorila"i bila tisna za primiti toliko furešta i domaća svita. Nešto ćutin kada je lito tek počelo. Bože dragi, dokle će ovo trajati, kaže jedna lipa domaća šjora, a neko je odgovara, a neka traje čin duže, jer bojali smo kako ovo lito neće biti gosti, a kad ono nikome se neda doma poći.
A kud bi išli kad su vodiški ribari" Malog porta", mogli bi slobodno napisati "Velike vale", dobro rivu sa ribon zamrljušali. Vridne težačke i ribarske ruke kašete srdel su samo ispod banki na gradele vukle, mećale, pekle, dok se svit nije naija i izgušta morskog ribljeg gušta i tih omega 3 masnih kiselini.
Oni sa malo višin štumcima isprid sebe tukli su i repete. A ko nije tija srdela čapa je porciju pidoća i lipoga toća, i močija u to kruv koliko ga bila volja. Ne znan, nisan pita koliko je kašet srdela ošlo, a da je bilo 100 bi pošlo. Ali važno je da je sve dobro prošlo. Čini mi se svit je sit i napit bija koliko je god tija, a ki nije prispija doće drugi put.
A onda tako lipo zadovoljan svit ča je moga drugo nego na kantaduru se bacit uz raspivani band. I za ples tribalo se čekat na red kad je ova grupa sve prid binu povukla i mlade, i stare. Balalo se, plesalo i igralo do milje volje. Seniori su ovaj put dali i najbolji plesni par "Ribarske noći". Šjora i šjor, bili su A anjc, a nisan pita ni šta, ni odakle, ni ko, nazočni svit izabra ih je za najbolje.
Lip pozdrav sa rive PAŠKO !
